Mfanyabiashara wa madini aliyefahamika kwa jina moja la Jimmy amejikuta katika wakati mgumu baada ya kufumaniwa na mkewe akiwa na kimada gesti.
Tukio hilo lililofunga mtaa kwa kujaza wambea kibao, lilitokea hivi
karibuni ndani ya gesti moja Kinondoni jijini Dar es
salaam ambapo mke wa mfanyabiashara huyo (jina halikupatikana mara
moja), alimnasa mumewe akijiandaa kuvunja amri ya sita ya Muumba.
Wadakuzi waliokuwa eneo la balaa walitonya kuwa, siku hiyo ya tukio, Jimmy ambaye ni mkazi wa jijini Arusha, alifika Dar kibiashara na baadaye alimsaka kimada huyo wa siku nyingi na kwenda kujirusha naye bila kujua mkewe alishatonywa juu ya usaliti wake.
Jimmy kabla ya kuingia gesti inadaiwa
alijipumzisha katika grosari iliyo karibu na Mango Garden Bar, baadaye
akaenda kwenye gesti hiyo ya jirani bila kujua mkewe alikuwa akitua mguu
kila pale yeye aliponyanyua, akazama ndani ya gesti hiyo na kuanza
kujiandaa kwa zinaa.
Jimmy alikutwa tayari ameshavua nguo zote na kubakiwa na ‘boksa’ huku kimada naye akiwa na ‘kufuli’ pekee.
Kilichofuata hapo ni kipigo, mke wa Jimmy alianza kumtembezea kipigo
yule kimada. Waandishi nao walivamia na kutandika picha za timbwili ambapo
Jimmy alifanikiwa kupenya mlangoni na kukimbia bila kujali nguo
nyingine.
Kutokana na kelele za timbwili hilo, majirani wa eneo hilo
walifika kuhoji kulikoni ambapo mfumaniaji huyo alitoboa siri kwamba
amekuwa akimfuatilia mumewe kwa siku nyingi baada ya kuambiwa ana kimada
Dar.
Wakati pakichimbika, kimada huyo alisikika akimlaumu Jimmy kwamba
amemuingiza kwenye mkenge akijua mkewe ni mdodosaji wa mambo na anaweza
kufika Dar madai ambayo hayakuwa na wa kuyajibu.
