KLABU ya Barcelona iko tayari kumchukua Adnan Januzaj kutoka Manchester United iwapo atakataa ofa ya kuongeza Mkataba.
Kinda huyo mwenye umri wa miaka 18,
amejipatia umaarufu mkubwa baada ya kufunga mabao mawili katika mchezo
wa Ligi Kuu England dhidi ya Sunderland Jumamosi.
Lakini Barca imekuwa ikifuatilia kipaji
cha mwanasoka huyo tangu hajajiunga na United kutoka Anderlecht mwaka
2011. Barca wanaamini sana kwamba Januzaj atahamia tu Nou Camp wakati
atakapomalizia miezi minane iliyobaki katika Mkataba wake.
Amekomaa? Adnan Januzaj tayari amezivutia klabu kadhaa Ulaya
Yuko juu: Januzaj akitalii mitaa ya Manchester Jumapili
Pamoja na Mbelgiji huyo kusema ana
furaha United, lakini imeelezwa amekuwa akihisi kutokubalika wakati
fulani. Mazungumzo ya Mkataba mpya yalikufa baada ya kustaafu kwa Sir
Alex Ferguson Mei mwaka huu kabla ya kufufuka hivi karibuni.
Wakala Dirk de Vriese alionya wiki
iliyopita: "Siwezi kusema timu zipi zina nia naye, lakini naweza
kukuambia klabu kadhaa Ulaya zinammezea mate,".
United inatumai kupandishwa kwa Januzaj
chini ya David Moyes na ofa ya Mkataba mzuri wa muda mrefu vitakuwa
vishawishi tosha vya kumbakiza mchezaji huyo.
Lakini wanahofia Januzaj na De Vriese
'wanaburuzwa' na baba wa mchezaji huyo. Moyes hivi karibuni amejaribu
kumuweka karibu mchezaji huyo.
Mbili: Alifunga mabao yote United ikishinda 2-1 dhidi ya Sunderland Uwanja wa Light
Mkuu wa Idara ya Maendeleo ya
Anderlecht, Jean Kindermans, mtu ambaye anastahili sifa za kuibua kipaji
hicho, alionya jana usiku kwamba Januzaj Snr anataka kuwa na kauli ya
mwisho juu ya mwanaye kama atabaki United au ataondoka na pioa juu ya
timu ipi ya taifa ataichezea.
Akiwa amezaliwa Ubelgiji na wazazi
Kosovo na Albania, Januzaj anaweza kuchezea nchi kadhaa na kocha wa
Ubelgiji, Marc Wilmots amechukua hatua ya kwanza kwa kumuita mchezaji
huyo kikosini mwake kwa ajili ya mechi zijazo za kufuzu Kombe la Dunia
dhidi ya Croatia na Wales.
Lakini ombi hilo lilikataliwa, huku
Januzaj akiwataka mabosi wa Old Trafford kujibu kwamba anataka muda
zaidi wa kufikiria mustakabali wa utaifa wakle.
Nyota kinda: Januzaj anatarajiwa kupata nafasi zaidi kikosini United msimu huu
Januzaj alisema: "Kwa sasa, soka ya
kimataifa si jambo ninalofikiria kwa kiasi kikubwa. Nafahamu kwamba,
kwanza natakiwa kuelekeza fikra zangu juu ya kile ninachokifanya United,
kwa sababu hiyo ndiyo muhimu zaidi katika soka yangu kwa sasa.’
Anaburuzwa: Inaonekana baba wa kinda huyu mwenye umri wa miaka 18 ndiye mwenye maamuzi juu ya mustakabali wa Januzaj
